JavaScript

Зьвесткі зь Вікіпэдыі — вольнай энцыкляпэдыі.

JavaScript (вымаўляецца: яваскрыпт/джаваскрыпт) — аб'ектна-арыентаваная скрыптовая мова праграмаваньня, якая часта ўжываецца для напісаньня скрыптоў html-старонак у інтэрнэце.

[рэдагаваць] Гісторыя

Мова JavaScript была разпрацавана і ўключаная ў браўзэр Netscape другой вэрсыі (сьнежань 1995) спачатку пад назвай Mocha, затым LiveScript, і нарэшце перайменаваня ў JavaScript. Сувязь паміж мовамі Java і JavaScript палягае толькі ў назьве, яны маюць падабенствы толькі ў сынтаксыве (як і Java, JavaScript мае сынтакс падобны на сынтакс мовы C). Сэмантыка ж у іх даволі розная, асабліва розьняцца іх падыходы да рэалізацыі аб'ектна-арыентаванай парадыгмы.

Бачачы посьпех JavaScript, у фірме Microsoft распрацавалі сваю мову — JScript, якая ўпершыню зьявілася ў трэцяй вэрсыі браўзэра Internet Explorer (жнівень 1996). Неабходнасьць агульнага стандарту прывяла да зьяўленьня спэцыфікацыі ECMAScript.

[рэдагаваць] Ужываньне

JavaScript часта ўжываецца ў html-старонках для кіраваньнем аб'ектнай мадэльлю дакумэнтаў (DOM), што дазваляе ствараць ці зьмяняць структуру і выгляд сайтаў. Код JavaScript зьмяшчаецца паміж тэгамі <script></script>. Згодна спэцыфікацыі HTML 4.01 у гэты тэг трэба дадаць атрыбут type="text/javascript", пры гэтым часта ўжываемы атрыбут language="JavaScript" не адпавядае стандарту. Прыклад: Скрыпт, які паказвае мадальнае акенца з надпісам «Hello, World!»:

<script type="text/javascript">
  alert('Hello, World!');
</script>

Код JavaScript магчыма зьмясьціць у атрыбут апрацоўшчака падзеі:

<a href="#" onclick="alert('Hello, World!'); return false;">Hello, World!</a>

У гэтым выпадку мадальнае акенца зьявіцца, калі карыстальнік націсьне на спасылку.

Звычайна код JavaScript пішацца ў асобным файле, які потым падключаецца пры дапамозе атрыбута src:

<script type="text/javascript" src="Шлях да файла з скрыптом"></script>

[рэдагаваць] Асноўныя рысы JavaScript

[рэдагаваць] Сынтаксыс

Сынтаксыс JavaScript падобны на сынтаксыс мовы C. Праграма на JavaScript гэта набор інструкцыяў і камэнтароў. У адрозьненьне ад C на JavaScript канец інструкцыі не абавязкова павінны пазначацца сымбалем ; (кропка з запятой), правільна сфармаваная інструкцыя лічыцца закончанай напрыканцы радка. Камэнтары ў JavaScript як і ў C могуць быць блёкавыя (адзін ці некалькі радкоў, абмежаваныя /* ... */) і аднарадковыя (ад камбінацыі // да канца радка). Інструкцыі складаюцца з зарэзэрваваных слоў, зьменных і канстант (літаралаў).

[рэдагаваць] Зьменныя

[рэдагаваць] Канстанты

[рэдагаваць] Канструкцыі

[рэдагаваць] Функцыі

[рэдагаваць] Аб'екты

[рэдагаваць] Вонкавыя спасылкі

• Javascript Tutorials
• Дапаможнік па JavaScript 1.5