Carview!

CARVIEW

MOTORHOMES

Select Language

HTTP/2 200 x-robots-tag: noindex, nofollow content-type: text/html; charset=UTF-8 expires: Thu, 29 Jan 2026 11:10:43 GMT date: Thu, 29 Jan 2026 11:10:43 GMT cache-control: private, max-age=0 last-modified: Sun, 08 Sep 2024 17:49:57 GMT etag: W/"5b94e18c81ddefe53a0c4fedd1ef0bab44336de4e906232c1a128192e4b55c8d" content-encoding: gzip x-content-type-options: nosniff x-xss-protection: 1; mode=block content-length: 20297 server: GSE alt-svc: h3=":443"; ma=2592000,h3-29=":443"; ma=2592000 صحفيه مع إيقاف التنفيذ

الجمعة، ١٨ يوليو ٢٠٠٨

وأسبلت عيونه فى مناجآه

* عندما يمر على الإنسان أوقات تشبه البيات الشتوي

* عندما يشعر بوجوده داخل كينونه من الزجاج يتفرد بها عن العالم الخارجى

*عندما يكون هو من يظلل ثقوب الضوء عن عيونه ويسعى للتفرد بالظلام

* عندما يكثر الحديث عنه وعنه وعنه ...ولا تجده

* عندما لا تجد ما تكتبه رغم ان صدرك يعج بالكثير

* عندما لا تجد حتى الكلمات التى كنت تختفى ورائها

* عندما اكتب هذه الكلمات وآخذ كل هذا الوقت

* عندما تكون أنت الا انت ...

* وعندما لا تكون

الأربعاء، ٤ يونيو ٢٠٠٨

اين من يحمون هذا؟؟؟

صور اخذتها بمحض الصدفه لدولفين لا اعلم هل هو ميت ام -مقتول- ، حيث ان الدولفين كما هو معروف لا يخرج إلى الشط ، الصور حقيقيه اخذتها اليوم من على شاطئ بورسعيد ، جسد الدولفين ملقى على الشاطئ تتصاعد منه -بداية- رائحه نتنه والاطفال تلعب -بيه- بألقاء الماء عليه، لاحظت كثير من الكدمات على جسد الدولفين ايضا وجود جسم مثل -هيلب- مغروز قبل مؤخرة ذيله

!!!!

هذا الدولفين هكذا على شاطئ البحر منذ الصباح كما قال لى بعض الاطفال ، فلقد وجدوها وهم يسبحون على الشط فسحبوه للخارج وترك هكذا ....!!!

لن ازايد فى الكلام ولكن ان حدث هذا فى إحدى الدول الاوروبيه التى تطل على -نفس البحر- البحر الابيض المتوسط ...فماذا سيكون رد الفعل؟

من السبب فى حدوث هذا ....سأترككم مع الصور والتعليق لكم

السبت، ٢٤ مايو ٢٠٠٨

حفل توقيع كتاب مدونات مصرية للجيب

السلام عليكم ورحمة الله وبركاته

حابه اعرفكم اني سعيدة ...سعيدة بيوم مكنتش احلم ولا اتخيل انه يكون بالجمال والروعه دى

في الاول ياريت رجاء مني اختكم انكم تدعوا لأمى بالشفاء ، ولانها فعلا السبب اللى خلانى اروح يوم الحفل الجميل ده لأنى بجد مكنتش قادرة اسيبها وهى مريضه

يوم الحفل

اليوم كان بالنسبالى سفر، واكيد السفر والرجوع فى يوم واحد بيكون شاق بالذات بقى لو كان لمدة 3 ساعات الا انه كان هين علشان كان معايا مدونة بورسعيديه جميلة جدا اكتشفتها من خلال الكتاب "دودى اهو ده عيبه " ، لما وصلنا بآمان الله إلى ارض المعز لدين الله حسيت بالفرق بين بورسعيد ، وجهنم الحمرا ...أأقصد القاهرة ، الجو كان جاف وسخن بشكل مخيف

مش هطول فى شرح اليوم بالنسبة ليا
لكن هتكلم من وقت مروحنا المكتبة ، كنت انا وداليا مكسوفين وعمالين نقدم خطوة ونرجع التانية ، المهم دخلنا لقينا اربع اشخاص منصفين بين النوعين بالتساوى ( يعنى اتنين بنات واتنين شباب هى حكاية يعنى) عرفت واحد منهم على طول المبتسم اللى هناك ده ايوة
احمد الصباغ

وكان الباقى ابراهيم معايا ..أو ابراهيم انا وانا وكانت فى بنت مش مدونة اسمها هبه وكانت حنان او حنين زى اسم مدونتها
الناس قالولنا ان الكتّاب لازم يحضروا الساعه 5 ونص ، عدت خمسه ونص وفى ناس بتيجى مش بأنتظام ، اول حد جه وعرفته على طول كان أ/ احمد القاضى يا مراكبى وكان جاى مخصوص من جدة مباشرة على مطار حفل كتاب مدونات مصرية للجيب ...شوفتوش كده ؟

ده احنا جدعان قوى يعنى ، ومسافة ربع ساعه لقيت المكتبة ممتلئه اول عن اخر ومفيش خرم إبرة تقدر تقف فيه وغير كده وفجأتن ..الاكسوجين راح ولم يتبقى سوى صهد انفاسنا ...وبقيت مش عارفه افر واهرب منين ، الظريف واللى لازم يحصل معايا فى اى مكان

شوفوا انا كده بتاعت مواقف مش اى كلام ، لما شوفت ناس مقدرتش اقاوم نفسى الا انى اخدهم بالحضن (بعيدا عن صراخ وينكى لما شافتنى ولمت علينا الناس وهى بتصوت وتحضنى ) وأفضى هذا الى خلع طرحتى اللى كنت مكلفاها الشئ الفلانى وقاعده اللف فيها
وبردو منجدتنيش غير البنت العسولة الجميلة الحلوة اللى بموت فيها وينكى باشا ( فوق السلم يا وينكى... انت فاهم يا جميل )

ارجع للناس اللى شوفتها وحبتها جدا وكانت اول مرة اشوفها ، شوفت ياسمين بينى وبينك بنت سكره زى العسل والله يا بنت انا بموت فيكى وشوفت مفقوعه مرارتها ورحاب آبى بنت بجد انتى زى القمر ودمك خفيف جدا ، وانوجتى يا اسمر انت يا كميل يا عسل وبسومتى اللى كل محد يقولها مدونتك ايه تقوله مش قادره يقوم متنح ...البنت دى هتجننى بأسم مدونتها وبردو مش قادرة .....، وبنوته كده صغنونه مش داخل دماغى والله انها دكتورة ..دى لمضة قوى وسكر ..الدكاترة رخمين ..بجد والله يا ميرو انا سعيييده انى شوفتك يا احلى لماضه

وشوفت ابو خالد اللى كنت بقوله بابا ولما اقول كده وحد معدى يبص ويقولى هو ده باباكى ؟ أقوله اه، ياه يا بابا والله مبسوطه انك جيت بجد انت جميل قوى قوى قوى ، وشوفت احمد سوووووووووو حاجه كده توليفه عجيبه مين الراجل ده؟ هو لسه فى حد كده طيبه واخلاق وخفة دم وشقاوة ...وسندوتشات فى الشنطه مرضاش يدينا حتى فتفوته ، واستاذ احمد الله عليك يا استاذ والله انا كل شوية اقرا التوقيع انت حاجه تفرح والله عيل مصرى ....انا نفسى اكون عيلة كده والله ، ولغاية دلوقت وبلا حسد الله اكبر الله اكبر انا مبهوره بأبناء سيادتك ربنا يخليهملك ويحرصهم من كل شيطان رجيم ...قولوا آمين ، وشوفت الاستاذ شمعى اسعد ..سعيدة بحضرتك يا فندم ، واحمد رفعت ..اة مش اول مرة اشوفك بس بكون سعيده وانا معاك يا صديقى وزعلت قوى انك مجبتش داليا ، الهوارى سلمت عليه وكل لما اشوفه بعد كده الاقيه بيشرب سجاير ، بس اللى امتعنى يا هوارى اننا صوتنا انا وانت وانجى كان اعلى من صوت التسجيل اللى جمبنا ....تحفة ، والراجل بتاع الساعه 6 ده شوفته وانا خارجه اشم شوية هوا بعد مخدودى احمرت وبقت حالتى طين ، يوسف المصرى والله والله والله سعيده انى شوفتك ..، مش هنسى الاحمديين اللى هما اساس الموضوع احمد البوهى و احمد مهنى....بشكركم

والاستاذ محمد مفيد فى الصميم بجد مش اسم مدونة وخلاص ...ربنا يبارك فيك ويخليلك العبدين بأذن الله ...وشوفت بجد واحده بعتبرها اختى الكبيرة مقدرش انساك يا جميل اوشا مكان فى القلب كانت ماسكه فيا اروح معاها وتروحنى الفجر ، كنت هعيط علشان تقتنع انى لازم اروح علشان ماما ( اوشا بنوتك حلوة وطعمه مووووووووت بوسيهالىىىى )

بشكر ضياء انه حضر الحفل معانا رغم انه عنده امتحانات وبيذاكر ..ربنا معاك يا اخويا

وشوفت تامر نبيل بجد سعيدة انى شوفتك ، وعلى فكرة معجبنيش ابدا الكومنت بتاعك عند الصباغ ده حتى لو مش عامل عمليه ايه يضايقك اساسا فى كده؟ مش هكرر الكلام اللى قولته بس هقولك انا سعيده انى شوفتك وسلمت عليك وسلامتك الف الف سلامه

طبعا انا مش هقدر افتكر كل الناس دنا سلمت على اكتر من 150 بنى ادم بس هقول لكل اللى حضر وجه الحفلة وكل اللى محضرش بردو ...شكرا

بجد شكرا قوى انكم اخواتى ...والله حسيت وانا بكلم كل واحد وواحده انه اخويا واختى ، ده فى ناس اول مرة اقابلهم واكلمت معاهم كأنهم عايشين معايا ...بجد انا سعيدة

طبعا الحفلة كان يشوبها بعض المضايقات سواء العامه او الخاصه بيا ، مهو الحلو مبيكملش لكن انا مش هذكر اي شئ ومش هفتكر اساسا لان الفرحه والسعادة كانت اكبر بكتير

وبردو اضايقت قوى لما راحو البورصه من غيرى ، كان نفسى بجد اكون معاكم بس انتو عارفين المشوار الصعب ، وصلنا بورسعيد الساعه الواحده بعد منتصف الليل وطبعا احنا بنتين صغنغنين لوحدينا يا حرام مع اننا نخوف اجدع تاكسى لكن انا مرضتش نروح كده لوحدينا واتصلت بأخويا جه وصلنى انا ودودو وبعد كده عينى مشافتش حاجه ...تقريبا اغمن عليا

معلش انا معرفتش اصور كتير ، كنت عايزة ابقى فراغ امشى ابص بعدسة عينى واسجل كل لحظه علشان منسهاش ابدا

كنت ممكن اكتب تقرير عن الحفلة ، لكن انا حبيت احكى عن اللى منى
أخر حاجه بقى ، لقطت اتنين معرفهمش خالص ماسكين الكتاب وبيقروا بنهم عمرى مشوفته وعلى السُلم مقدرتش اقاوم ...قومت مصوراهم وبعد مصورتهم استأذنت ...مكنش ينفع افوت ولا اخليهم يمثلوا كانوا طبيعيين جدددا ، وبشكرهم انهم وافقو

اكتر شئ اسعدنى اننا يا كتّاب الكتاب اشترينا الكتاب ...والنسخ بتاعت اليوم ده كلها اتباعت هوا ، يارب بجد تخلص من كل مكان ، الناس دى فعلا تستحق ، واحنا كمان نستحق ان الناس كلها تشوف كلامنا اللى بيتقال عليه .... فى كتاب

معلش بقى اخر حاجه ...بهنى كتّاب كتاب عندما اسمع كلمة مدونة ولون كتابكم غالى قوى يعنى .....
هرجع لكم بموضوع تانى عن ما يحويه كتاب مدونات مصرية للجيب وكلام عن كل بوست وتعريف بأذن الله بصاحب البوست
كانت معكم شيماء الجيزى من قدام الكمبيوتر بتاعها اخيرا .....

الثلاثاء، ٢٠ مايو ٢٠٠٨

نويت ان انساه

مسبلة العين ضائعة ...نظرة ما بين هنا وهناك ..وهناك يعيش الأمل وهنا يأس عاش
" أنا عمري مابنساكم حرام... تنسوني بالمرة حرام "
الكيبورد حروفها قد مسحت واعتلتاها الأتربة تغزو ...

........................

مج خاص بلون اسود فخار ...انتقيته بنفسي ووضعت عليه الحرف
"منذ متى لم أتذوق قهوتي وصدمتها؟"
" بيعز علي بغنى يا حبيبي لأول مرة ما بنكون سوا "
بداية أسمى حرفين ....كيف اختار حرف واحد؟!!

........................

مسبلة ابحث عن شئ عميق ....لا تحاولوا إفاقتي
" سألوني الناس عنك يا حبيبي كتبو المكاتيب واخدها الهوا "
دائما ما اختار احذيتى بلون معين ..... اشتريت شبب ازرق ؛ فتعجب ..أهذه انت؟

..........................

" سألوني الناس عنك سألوني قلتلهم راجع اوعو تلومونى "
عندما تحضر صمغاً وتلصق جفنيك فلا تستطيع إغلاقهما
تتذكر ..... نعم كنت أنا من خبأت الصورة .... لا أريد أن تتذكرها ....تذكرني أنا فقط فقط فقط

........................

وأنا صغيرة كنت اجري خلف العربات ..... افعل أفعال الصبيان
أتشاجر ....واسقط خجلي
" علي فوق سطوح بعاد عالنسمه الخجولة اخدونى معهن الأولاد ردولى الطفولة "
ما أحلاها الخضرة .....قطعت ثمرة مانجو لها رائحة عجيبة ادخلتنى الجنه
" ويا زهر الرمان طير بهالبستان لا يتسلوا صغار الأرض ويحلو الزمان "
كنت انعم ببراءة غريبة حتى اننى أسقطت أخي من فوق السلم ولم يأتي في بال احد اننى فاعلتها "

..............................

مسبلة بجسد راقص أتذكر أتذكر ....أين كوب القهوة؟
نعم كوب لا اشرب القهوة في فنجان .....هكذا أنا
نعم هذا هو القارب...أتذكرة ....أتذكر أيضا كلمته
" لم يلمس احد وجهي إلا واصابنى ما يصيب المرضى ....إلا أنتِ"

تلاقينا في يوم أحببته فيه وافترقنا......ولازلت طول حياتي أتذكرة ....نويت أن أنساه

.............................

الجمعة، ١٦ مايو ٢٠٠٨

مدونات مصرية للجيب

السلام عليكم ورحمة الله وبركاته

اخوانى المدونين واخواتى المدونات لكل من يقرأ للمدونين من غير المدونين

حدث المنتظر وما كان يحلم بيه الكثير منا

حلم راود شابان من المدونين ، ان يقرأ الشعب -حقيقة- ما يكتبه المدونين ، ان يكون تفاعل بين رجل شعبنا البسيط

وهؤلاء المدونين من هم كتّاب الشعب

وحدث اخيرا " مدونات مصرية للجيب "

كتاب يحمل تدوينات منتقاه لعدد من المدونين شاركو فى اول عدد لمدونات مصرية للجيب

الكتاب متوقع ان يصدر له عدة اعداد اخرى ويتوقع له نجاح باهر جدا

وانا اتوقع ان يحصد الكتاب اعجاب الجميع فهو عبارة عن توليفه خاصة من خلاصة التدوين المصرى

واتوقع ايضا له الانتشار فى العالم العربى

وانا يشرفنى ان يحمل الكتاب احدى تدويناتى المتواضعه ، والذى اسعدنى بشدة اخبارهم لي بإختيار تدوينه من مدونتى صحفية مع إيقاف التنفيذ

وسيكون حفل توقيع الكتاب يوم الخميس الموافق 22/5/2008 فى مكتبة عمر - عمر بوك ستور

العنوان : شارع طلعت حرب من ميدان التحرير فوق مطعم فلفله

الساعه 6.30 مساءً

ارجو من الجميع الحضور والمشاركة فى حفل توقيع الكتاب سواء مدونين او غير مدونين والاعلان عن موعد الحفل سواء بموضوع او بوستر الكتاب هنا

شكرا لكم جميعا

الثلاثاء، ١٣ مايو ٢٠٠٨

هرتلات

دعنا من تلك اللعبة فتوارد خواطري لن تقع على عتبات بابك
وعشقي للمراوغة قد يضعك في موقف الحَرِج
تنسم العليل .....وأغمض عيونك
ودعني أداعب خصلات شعرك الناعمة
دعني أتأملك جالساً ...تحت ظلالي
تبتسم في حياء .....لا يسكن إلا اعتي الرجال

.............................

هناك
تبسم الصبح
بموعد لقاء يعرفه الجميع
نضج الوجه
لمسة جديدة
مساحيق تجميل
زيي جديد
وابتسامه .....

...............................

عند شروق الشمس
يضحك طفل شقي
سعيد بطائرة ورقيه
فلقد حان وقت الاستمتاع
وحانت السفريه
عند الغروب
نظرت لطائرة ورقيه
تحلق في سماء
برتقالية

....................

وبعت أحبارا
وفرشاة ....وريشة
ومسكت قلماً احمر
يغط اوراقى بألحان الحان
فيعلوا صوتي واكتب اكتب
حتى....انسي بالكتابة ورقاً
وها أنا ابحث عن فرشاة ...وريشة

.............................

فيروزية أنا
احلم ....بليالي الصيف
واعشق ...روما مصرية
وجسد يتراقص
على
شط أسكندرية
رقصات لولبيه
واقسم اقسم
أن أغدو على هواها
عاشقة

الأربعاء، ٣٠ أبريل ٢٠٠٨

حنان بنت حُب آل عشق

مقدمه
كنت قد كتبت تلك السلسله منذ فتره ليست بالطويلة وقررت ان تكون بمدونة خاصة بها فهى كما كنت اراها تستحق مكانا خاصا بها فموضوعها هدفا للكثيرين وحكاويها كثيره الا اننى بسبب ظروف خاصه اهملتها ولم اتابع نشرها
لذا احببت ان اتابع نشرها من جديد هنا واتمنى ان تتسع صدوركم لكلماتى انا وحنان...

*****************************

حنان بنت حُب آل عشق
إن كنت ترى في حنان يقين فأعلم أن حب قد قتله
امرأة تكتب ما عشقت

عن آل عشق حدثوني أنا حنان بنت حب في عصر غير هذا وأوان فات وكان عن عشق رجلاً عريض المنكبين قوى البنية علي الجبهة وذاع سيطه عن وسامة لم تضاهيها وسامة في الرجال فكان عشق ما إن تراه امرأة حتى تخر بين يداه محبه ، فما أن اشتهى امرأة حتى أودع عيونه سحرها وقضى أمرها ، كان عشق يعمل تاجراً يبيع ويشترى يختار ويبهر في حرفيته وتجارته صارت في
رواج ، ظل حال عشق هكذا حتى جاء يوم كان يسير فيه معاوداً بيته سارح في ملكوت الله جل جلاله يمتطى من الأفكار ما اشتهى مسليه حتى فاجئه نور لا يضاهيه نور يملأ المكان غابت الشمس خجلا وذهب النهار حيرة فكانت الأرض وكأنها الشمس تنير الكون ظلاماً ، فأرتجف الناس رعبا واحتار معهم عشق لكن قوة قلبه جعلته يتجه لهذا النور ، وبين حقول الوادي الخضراء سار في تقدم وشجاعة يحاول إن يخفى قوة النور عن عينه بيده حتى اخترقه وكأنه يخترق عالم جديد غير الوادي والقرية والناس ، أن عشق دخل النور ألوان زاهية .. عطور فواحة ..ونغمات من عصر قادم تلهو على آلات موسيقية عجيبة ، كل هذا اسقط في روح عشق هدوء وخدر عجيب ، ظل يسير بتلقائية شديدة ناسياً أمر أهل القرية والنور المبهر حتى رآها كانت تجلس على حافة ماء جارى يعزف بجريانه صوت يدغدغ أعماق أعماقه فيجعل منه ورقة شجر رقيقة تحبوا على سطح الجندول
تدافع بداخل صدره إصرار ألي على أن يتجه لها ويحتضنها ويشبع صدره المغرق بحبها ، لن تعجب من كلمة حبها ! الماء الآن مرأى عين عشق وهوى أمامه ...هوى ! نعم عرف اسمها حتى قبل أن يسقط في ملذات نهرها ، من المؤكد انه وقع هذا العالم العجيب ، يعشق امرأة لم يرها من قبل فتانة نورها أعطها الحق في عشق ، عشق أنت لها الآن ..تكررت في عقل عشق كلماته إلا أن ما افجعه

تكرار كلمات أخرى في عقله أيضا ، بصوت لم يسمع له مثيل من قبل ..إنها هوى

****************************

حنان أنا عشت حياتي في عالم مصنوع من نور يتجلى فيه الحب في المقام الأول ، والدي هو حب وأمي أمان وجدي عشق وجدتي هي هوى
فكنت أنا حنان
فهل يتذكرني احد ممن عشقوا؟

نسيان حالات الحب الحقيقية في عالم مجنون كعالمكم شجعني أن أحاول أن يعود هذا الحب ، أن يعود مع أسلافي ممن عاشوا العشق وصدقوه ، جدتي جولييت ، وجدي عنترة ، حتى حسن ونعيمه
حتى من بعدهم أن قدموا

لما نسينا الحب؟
هذا السؤال ابعثه لكم لأعرف بآرائكم التي قد تفيدني في كفاحي وبحثي عن عالم الحب الذي ولدت فيه والذى أتمنى أن يعاود من جديد

حنان ...هل تعرفون؟

Original Source | Taken Source

صحفيه مع إيقاف التنفيذ

الجمعة، ١٨ يوليو ٢٠٠٨

وأسبلت عيونه فى مناجآه

الأربعاء، ٤ يونيو ٢٠٠٨

اين من يحمون هذا؟؟؟

السبت، ٢٤ مايو ٢٠٠٨

حفل توقيع كتاب مدونات مصرية للجيب

الثلاثاء، ٢٠ مايو ٢٠٠٨

نويت ان انساه

الجمعة، ١٦ مايو ٢٠٠٨

مدونات مصرية للجيب

الثلاثاء، ١٣ مايو ٢٠٠٨

هرتلات

الأربعاء، ٣٠ أبريل ٢٠٠٨

حنان بنت حُب آل عشق

About Me

Blog Archive

Provider