لا تعليق
تصوير صديقى أحمد الدفراوى
posted by m_elsewedy @ 7:19 PM
36 comments
| CARVIEW |
Select Language
HTTP/2 200
content-type: text/html; charset=UTF-8
expires: Tue, 27 Jan 2026 19:45:55 GMT
date: Tue, 27 Jan 2026 19:45:55 GMT
cache-control: private, max-age=0
last-modified: Mon, 02 Sep 2024 09:07:36 GMT
etag: W/"ed35e36d374db0f15ac3374eff510d311b475354c421e3d22adb9bd62577698e"
content-encoding: gzip
x-content-type-options: nosniff
x-xss-protection: 1; mode=block
content-length: 96422
server: GSE
alt-svc: h3=":443"; ma=2592000,h3-29=":443"; ma=2592000
سويدى
منظر خارجى للسجن
ودى صالة مغطاة انضف من صالات استاد القاهرة
ودى غرفة المسجون
كل سنة وانا طيببببب طبعا يا جماعة مش هاوصيكم ممنوع دخول المدونة من غير الهدية واللى هايدخل من غير هدية لا يلوم الا نفسه وهاضطر اسفاً ألغى الحفللللللللة الوهمية اللى عاملها هههههههههههه فا اتصرفوا بقى تعملوا جمعية تستلفوا ماليش دعوة انا
هيييييييييييييييييييييييييييييييييييييييييه أخيرررررررررررا خلصت أخر إمتحان لية كان أخر يوم لية فى امتحاناتى النهاردة قلت بقى يا واد يا سويدى تروح تطلع اللعب وتفضل تلعب لغاااااااايت ما تزهق وتطلع العجلة وتفضل تلف فى الشوارع وشوية والعب الجعران مع العيال وشوية أطير طيارات ونلعب مسوكة الملك ونلعب كووورة فى الميدان لغايت ما عم عبدالله صاحب القهوة اللى فى الميدان يجرى ورانا بعكازه وياخد مننا الكورة وشوية ونجيبها منه ونروح نلعب بعد القهوة بشوية يجرى ورانا عم أبو سمير البقال بعصاية المقشة وبرضو ياخد مننا الكووووووورة بس ده كان بيقطعها على طوووووووول ودايماً كنا نختم اليوم بتاعنا بلعبة مسوكة الملك وساعتها كنت بطلع انام فى بيتنا وما اتمسكش واكون انا الكسبان وابقى الملك هههههههه والله أيام زى العسسسسسل قول للزمان إرجع يا زمان.م
سويدى
إن أسلوبي في المزاح هو أن أقول الحقيقة دائما – إنها أبدع نكات الأرض
Sunday, October 07, 2007
Friday, September 21, 2007
يا سجونك يا نمسا
وصلنى الايميل ده عن شكل السجن فى النمسا متهيألى ده احسن من شاليهات مارينا واغلى نوادى مصر
منظر خارجى للسجن
هنا مكتوب
مركز ليوبين القضائى
محكمة ليوبين الوطنية
محكمة مقاطعة ليوبين
ده غالباً مكان الزيارة
وهنا بيفكرنى بفيلم حب فى الزنزانة لما سعاد حسنى كانت بتزور عادل امام بس هنا على الطريقة النمساوية
ودى صالة مغطاة انضف من صالات استاد القاهرةودى غرفة المسجون
يجوا يشوفوا غرف ابو زعبل
posted by m_elsewedy @ 4:31 PM
15 comments
Thursday, September 13, 2007
Sunday, August 26, 2007
ميكروباص
كالعادة فى الصيف شغلى دايما بيتطلب منى انى اسافر لكذا محافظة داخل مصر
من يومين كنت مسافر شبين الكوم فى محافظة المنوفية واخدت ميكروباص من عبود ودخلت قعدت وكله تمام التمام والميكروباص حمل والعملية ماشية حلو وتعالى يا عم الاسطى اطلع بينا ابص الاقى بنت حلوة كدة بتاع خمسة وعشرين سنة هاتركب وتسافر بينا انا قلت ربنا يستررررر دورت العربية وطلعت ولا اجدع سواق وطير بينا ياسطى عالكورنيش اصدى عالطريق الزراعى - البنت متمكنة وواثقة من نفسها وطبعا خد تعليقات من العربيات اللى حوالينا زى على مهلك شوية يا عم علينا وبالراحة شوية ما تجريش وواحد بتاع بيجو رخم عليها راحت طالعة منه بحتة احترافية كدة وبصتله بصة حقارة وطبعا كل اللى يشوفها يتنح واحلى حاجة ان الكرسيين اللى جمبها كان فيه بنات برضو يعنى القيادة كلها كانت حريمى واحنا قاعدين بنتشاهد ورا وكمان ما دفعتش كارتة والراجل شاورلها قالها خلاص وكل امناء الشرطة عالطريق عارفنها يعنى بصراحة اللى مستعجل يركب معاها عمره ما هايقف فى الطريق ولا عشان كارتة زلا عشان لجنة والحمد لله وصلنا بسلامة
هو ده حالك يا مصر بناتك سواقين ميكروباظ (ميكروباظ بال ظ)ه
posted by m_elsewedy @ 9:16 PM
9 comments
Sunday, August 05, 2007
الووو
ومعانا تليفون تانى ونقول ألوووووووو
ورجعنالكوا تانى بعد طول غياب
انتظرونا قريبااااااااا ان شاء الله
posted by m_elsewedy @ 3:33 PM
8 comments
Wednesday, February 14, 2007
هى المشرحة ناقصة قتلة؟
فضلا عن البوست السابق فإن مصر تتمتع بميزة خاصة جداااا فأى شخص يريد التسول او الشحاتة ويكون هذا الأمر ممنوع فى بلده فيأتى الى بلده الثانى مصر اللى هى ام الدنيا حتى يستطيع التسول على راحته انا مش بسخر من حد الحمد لله على كل شىء بس حبيت اعرض نوع من انواع التسول بالنسبة لى انا اول مرة اشوفه
واترككم مع الصور
شاب من سلوفاكيا ترك بلاده وجاء لمصر
بدأ بعزف الموسيقى الايرلندية والهولندية وماحدش فاهم حاجة
الراجل انسجم اخر انسجام وبرضو ماحدش فاهم حاجة
طبعا لا تعليق
فى صور تانية بس مش راضية تترفع مش عارف ليه بس هابقى احاول ارفعها
posted by m_elsewedy @ 9:49 PM
17 comments
Wednesday, January 10, 2007
لله يا محسنين
وصلنى هذا الايميل عن طريق احدى مجموعات الياهو وهذا هو مضمونه
الأخوة والأخوات أعضاء موقع مساعدة.كوم السلام عليكم ورحمة الله وبركاته
آمال حسين، سيدة من وراق الحضر عمرها 26 سنة.تزوجت منذ شهور قليلة، إلا أنها أصيبت بحروق بنسبة 65%.ترقد الآن بمستشفى شبرا العام وتعاني من آلام فظيعة.ولأنها حامل في الشهر الثالث، فإنها لا تستطيع تناول المسكنات والمضادات الحيوية.المطلوب نقلها في أسرع وقت لمستشفى السلام الدولي حيث إن الرعاية هناك افضل بكثير.لإتمام النقل مطلوب مبلغ 2000 (ألفين) جنيها، توافر منهم بفضل الله 500 جنيها ويتبقى مبلغ 1500 جنيها.ندعوكم للمساهمة في تفريج هذا الكرب عن آمال، حيث إن التأخير في نقلها ؤدي إلى تفاقم الحالة أكثر.للاستفسار والمساهمة رجاء الاتصال بعمرو إبراهيم في رقم 0101558559
وجزاكم الله خيرا
آمال حسين، سيدة من وراق الحضر عمرها 26 سنة.تزوجت منذ شهور قليلة، إلا أنها أصيبت بحروق بنسبة 65%.ترقد الآن بمستشفى شبرا العام وتعاني من آلام فظيعة.ولأنها حامل في الشهر الثالث، فإنها لا تستطيع تناول المسكنات والمضادات الحيوية.المطلوب نقلها في أسرع وقت لمستشفى السلام الدولي حيث إن الرعاية هناك افضل بكثير.لإتمام النقل مطلوب مبلغ 2000 (ألفين) جنيها، توافر منهم بفضل الله 500 جنيها ويتبقى مبلغ 1500 جنيها.ندعوكم للمساهمة في تفريج هذا الكرب عن آمال، حيث إن التأخير في نقلها ؤدي إلى تفاقم الحالة أكثر.للاستفسار والمساهمة رجاء الاتصال بعمرو إبراهيم في رقم 0101558559
وجزاكم الله خيرا
--------------
الواحد يطلع المترو يلاقى ناس بتشحت ينزل من المترو على السلالم بالتحديد يلاقى ناس بتشحت ومابين محطة المترو والشغل يلاقى ناس بتشحت يفتح جهازه ويشوف الايميل بسرعة قبل ما يبدأ شغله يلاقى ناس بتشحت انا خايف اجى اطلع سلم بيتنا الاقى ناس بتشحت طب والله بتحصل بيخبطوا على البيوت دلوقتى - بقى شىء عادى جداااااا
-------------
هى دى مصر يا عبلة
posted by m_elsewedy @ 7:51 PM
19 comments
Saturday, December 30, 2006
من العيد للعيد
كل سنة وانتوا طيبيين
مش عارف هو انا بكتب فى الاعياد بس ولا ايه؟
على العموم ادينى رجعت اهو واسف بجد على انى مشيت من غير سبب كدة وبشكر كل اللى سألوا علية طول الفترة اللى فاتت وان شاء الله مش هاختفى تانى كدة
:)
يلا حد يشوفنا بتلاتة اربعة كيلو لحمة كدة ولا حاجة ، مش هاقبل اى تعليق من غير لحوم
:D
كل سنة وانتوا طيبين
posted by m_elsewedy @ 2:52 PM
11 comments
Tuesday, October 24, 2006
اهلا بالعيد
من مكانى هذا اللى هو جزيرة القطن اللى دايماً بقضى فيها العيد بعيداً عن الإزعاج
أحب أقول لكل اللى يعدى هنا
كل سنة وانت طيب
وطبعا ما يتكسفش ويمد ايده وياخد من الكحك وعلى فكرة ده ما بيخلصش
:D
كل سنة وانتوا طيبين
posted by m_elsewedy @ 2:56 PM
21 comments
Sunday, September 24, 2006
ما بين طريقة برايل والقصة الكلاسيكية
كل سنة وكل البلوجرية طيبين ورمضان كررررررررريم
---------------
ركبت المترو زى كل يوم وطبعا بدأت التأمل فى اللى حوالية كالعادة لحسن انا مش بعرف اقرا حاجة فى المترو او اى
حاجة ماشية عامة بتعب وعينى بتوجعنى ما علينا بس بحاول اغصب على نفسى واقرا بس مش كتير المهم ما علينا فا بقعد اتفرج على البشر ، ركب واحد كفيف ومعاه شنطة بلاستيك وواحد تطوع وقام وقعده قعد الكفيف وطلع كتاب كبير وقعد يقرا والناس كلها مبحلقة للراجل وانا كنت اولهم لانى دى كانت اول مرة اشوف حد كفيف بيقرا بطريقة برايل ساعتها حمدت ربنا على نعمة النظر هو كان بيقرا قرآن غالبا لانه ملتحى وكان بيردد الكلام اللى بيقراه فى سره بطريقة تشبه قارىء القرآن بس اللى استغربتله انه كان بيقرا من الشمال لليمين ولما قريت عن طريقة برايل عرفت انها بتتقرى من ضهر الصفحة يعنى من الشمال لليمين هو ده اللى فهمته وسرحت معاه وهو بيقرا
جه جمبه واحد وقعد جمبه بالظبط ومعاه قصة اعتقد انها كلاسيكية اسمها
The Vectoria and The triton
وهو كمان بدأ يقرا وشوية لاقيته سرح وقعد يتفرج على الكفيف اللى بيقرا جمبه- بصراحة خطف انظارنا كلنا
بصوا الارادة بتوصل لفين ؟؟ ما حسسناش انه كفيف ولا كمان حسس نفسه وتعامل بشكل طبيعى جدا
الحمد لله على نعمه الكثيرة
posted by m_elsewedy @ 10:46 PM
21 comments
Friday, September 15, 2006
Tagged again
هل أنت عقلاني أكثر أم عاطفي؟
والله فى بعض الاحيان بكون عقلانى وبعض الاحيان بكون عاطفى بس الاغلبية عقلانى
--------------
صف شخصيتك في خمس كلمات؟
مرح - اجتماعى - عصبى شوية - طيب جدا وربنا - عملى
---------------
ذا كان لكل انسان شبيه من الحيوانات , أي الحيوانات يشبهك؟
مش هاقولك
:P
---------------
ما هو لونك المفضل؟
الأزرق
---------------
هل لنت اجتماعي أكثر أم منعزل؟
إجتماعى
---------------
ماذا يشكل أصدقائك بالنسبة لك؟
من يقف بجوارى وقت الشدة بعد الله سبحانه وتعالى
---------------
هل أنت مرتبط بعائلتك؟
اه الحمد لله
---------------
هل أنت عصبي أكثر أم هادىء؟
انا كتبت فوق انى عصبى شوية بس يعنى اكتر الوقت هادى جدا بس بتعصب بسرعة لو حد ضايقنى
---------------
هل تفضل فصل الصيف أم الشتاء؟
الصيف ثم الصيف ثم الصيف والشتا فى الشغل بس لكن غير كدة الصيف احبه اكتررر
---------------
متى آخر مرة بكيت فيها ؟ و لماذا؟
9/2001 يوم وفاة والدى
_________________________
posted by m_elsewedy @ 4:20 PM
11 comments
Friday, August 11, 2006
A gOoD TaG FrOm "7elm"
حلم ده شرف كبير لية انى اكون من ضمن الخمسة اللى اخترتيهم للتاج ده ، ده حتى امى دعتلى قالتلى روح يا سويدى الهى حلم تبعتلك تاج
:D
ـــــــــــــــــــــــــــــــــــــــــــــــــــــــــــــــ
ــ هل أنت راض عن مدونتك شكلاً وموضوعاً؟
والله انا شايف انها كويسة بشهادة الاخرين يعنى مهما كان انا عايز المدونة تبقى احسن من كدة بس شهادة الاخرين انها كويسة جدا سواء شكلا او موضوعاً وبالنسبة لموضوعاً انا دايماً بحب اكتب عن المواضيع الواقعية واللى حصلتلى فعلا وبعض من ذكريات زمان لانى احب انى اكون عايش ايام زمان - فا انا راضى عن المدونة لانها فتحتلى باب للكتابة والتفاعل مع الناس.
---------------
ـــ هل تعلم أسرتك الصغيرة بأمر مدونتك؟
اسرتى الصغيرة لا تعلم شيئاً عنها لعدم اهتمام احد منهم بالكمبيوتر فجهازى واصدقائى على النت هم عالمى الخاص
---------------
ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟
والله مش اى حد اقوله على المدونة ساعات فعلا بتحرج اقول لناس معينين وفى ناس ممكن اوريهم المدونة من بعيد لبعيد بحيث انه ما يعرفش لينك المدونة مثل اصدقائى فى العمل - وفى ناس قريبين منى بهتم انى اوريهم المدونة اللى هما اصدقائى
وانا بعتبر المدونة أمر خاص بى وبمن يهتم بالمدونات
---------------
ـــ هل تسببت المدونات بتغيير إيجابى لأفكارك؟ اعطنى مثال فى حالة الإجابة نعم
طبعا غيرت طريقة تفكيرى شوية بالايجاب طبعا يعنى مثلا انا الثقافة العامة واقعة عندى ، المدونات فرضت علية انى لازم اكون مثقف واعرف الكتير من المعلومات عشان اعرف اتفاعل مع الأخرين
---------------
ـــ هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
أسعى لإكتشاف المزيد طبعاً فهو عالم له سحر خاص ويجذب اى شخص للقراءة
---------------
ـــ ماذا يعنى لك عداد الزوار.. هل تهتم بوضعه فى مدونتك؟
والله اول ما عملت المدونة اهتميت بيه بعد كدة حزفته حسيت انه امر عادى مش شرط اعرف عدد الزوار بقدر ما اعرف عدد الى تفاعلوا مع المواضيع اللى كتبتها
---------------
ـــ هل حاولت تخيل شكل اصدقائك المدونين؟ اعترف
بصى انا من اللى بيتقال عليهم مدمنين نت وكلمت ناس كتير على النت واتعرفت عليهم ومنهم اللى قابلتهم من مصر ومنهم اللى من برة مصر وبيجولى زيارات وبقابلهم فا بالتالى اى شخص بكلمه على النت سواء على الشات او عن طريق المدونات بحط ليه فى ذاكرتى شكل معين لحين ما اشوف صورته او اشوفه على الحقيقة وبعد كدة الشكل اللى بتخيله بيختفى من الذاكرة تماماً
---------------
ـــ هل ترى فائدة حقيقية للتدوين؟
التدوين ليه فائدة كبيرة طبعاً كفاية انك بتعرف مليون وجهة نظر للموضوع الواحد وبالتالى لو انت وجهة نظرك فى موضوع معين كانت غلط بتبتدى تصححها وتعرف الخطأ من خلال وجهة نظر الاخرين الفائدة دى لوحدها كفاية - ده غير انى بعرف منه اخر الاخبار تقريباً
---------------
ــ هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
متفاعل طبعا وبعرف اخر الاخبار منه
---------------
ـــ هل يزعجك وجود نقد بمدونتك ؟ أم تشعر انه ظاهرة صحية؟
لا طبعا ازعل من ايه بالعكس عشان لو انا غلطان فى حاجة النقد ده بيصححهالى
----------------
ـــ هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
لا طبعا هاخاف من ايه - زيها زى جرائد المعارضة مش بخاف وانا بشتريها - وطبعا زعلت جدا على مالك وعلاء وعلى الناس كلهم
---------------
ـــ هل فكرت فى مصير مدونتك حال وفاتك؟
بصراحة ما جاش على بالى الموضوع ده عامة هاسيب الباس وورد مع نور مش عايزكم تقلقوا وهو هايقلكوا انى اتكلت على الله
---------------
ـــ تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
والله انا مش بسمع كل الاغانى ، لية اغانى معينة بسمعها او بمعنى اصح الاغنية اللى يعجبنى الرتم والكلمات بتاعتها
---------------
ـــ اكتب اسماء خمسة مدونين ليقوموا بهذا الاسقصاء بعدك
ـــــــــــــــــــــــــــــــــــــــــــــــــــــــــــــــــــــــ
posted by m_elsewedy @ 6:50 PM
41 comments
Friday, July 07, 2006
السينما والأمن المركزى
بقالى كام يوم بشوف ظاهرة غريبة كدة انا والله مش عارف اذا كانت غريبة ولا عادية يعنى بشوف خير اللهم اجعله خير سيل غزير من البشر ومش اى بشر كمان بشر من نوع الامن المركزى سبحان الله بيبان عليهم بشوفهم بالذات جمب اى سينما ...جديدة الحكاية دى مش كدة؟؟
عساكر امن مركزى لابسين مدنى حوالين اى سينما وستة عربيات من اللى هما لونهم اخضر دول الكبار كلنى الفضول طبعا وسألت وعرفت انهم بيفسحوهم وبيدخلوهم السينما ايه الهنا ده؟ شفت الموضوع ده مرتين فى يومين ورا بعض امبارح واول امبارح فى وسط البلد وفى الكوربة عند سينما نورماندى يا ترى ده يعتبر نوع من الحوافز للعساكر دى عشان يضربوا اكتر ولا ايه النظام؟ ولا عشان صعبانيين عليهم انهم منعزلين تماما عن الدنيا وقالوا يرفهوا عنهم شوية
لا فيهم الخير والله - وتحيا مصر يا عم
posted by m_elsewedy @ 3:17 PM
29 comments
Friday, June 23, 2006
الشعب المصرى المحتاس
إمبارح كنت فى عروس النيل مدينة المنصورة الجميلة وبعد ما خلصت شغل هناك وانا فى طريق العودة حجزت تذكرة فى اتوبيس شرق الدلتا وصعدت للأتوبيس ووجدت الآتى
لاقيت ان ارقام الكراسى اللى بتبقى مكتوبة فوق ممسوحة كلها او بمعنى اصح مش مكتوبة خالص من اصله فتخيلوا بقى كمية الناس المحتاسة جوة الاتوبيس وكنت انا واحد منهم بس الحمد لله واحد انقذنى وقالى الارقام مكتوبة على ضهر كل كرسى انا كنت ناسى الموضوع ده والحمد لله قعدت فى مكانى بسرعة اما بقيت الناس ماحدش عبرهم فا تخيلوا بقة الهرجلة اللى حصلت فى الاتوبيس ده يقوله ده مكانى، انا عديت الكراسى، وده يقوله ماليش دعوة انا، خلاص شوفلى فين الكرسى بتاعى وانا اقوم وكانت ليلة والاتوبيس اتأخر بتاع نص ساعة وانا ميت من الضحك فين وفين لما السواق طلع وبقى ينظم، اخر ما زهق بقى يزعق للناس كمان اكنه مراقب فى لجنة امتحان
تخيلوا حاجة بسيطة زى دى خلت الناس تلف حوالين نفسها
posted by m_elsewedy @ 3:01 AM
34 comments
Tuesday, June 20, 2006
عيد ميلادى النهاردة يا ناااااس
كل سنة وانا طيببببب طبعا يا جماعة مش هاوصيكم ممنوع دخول المدونة من غير الهدية واللى هايدخل من غير هدية لا يلوم الا نفسه وهاضطر اسفاً ألغى الحفللللللللة الوهمية اللى عاملها هههههههههههه فا اتصرفوا بقى تعملوا جمعية تستلفوا ماليش دعوة انا
يلا أشوفكم بالهدية
:P
posted by m_elsewedy @ 11:09 PM
17 comments
Friday, June 02, 2006
أصل الكلمات
الموضوع بإختصار هو الكلام اللى بننطقه ده أصله إيه أو ليه سموه كدة وأنا عندى مجموعة معلومات بسيطة عن أصل بعض الكلمات الإنجليزية والعربية وعندى معلومات عن الفرق بين بعض الكلمات الإنجليزية التى تؤدى إلى نفس المعنى وحبيت أعرضها هنا لما فيه من إفادة وتأمل فى الكلمات التى ننطقها دائماً
Bring
كلمة إنجليزية معناها يُحضر وأصل هذه الكلمة
British Ring
لأن الإنجليز فى الماضى كانوا يستخدمون الجرس فى النداء على الخادم ليُحضر له الأشياء
والفرق بين
Bring-Give-Get
Bring
يعطى شىء أمام الناس
Give
أصلها
God live
يعنى يعطى شىء لإستمرار الحياة أو تعطى شىء لشخص والشىء ده مهم جدا للشخص ده
Get
يعطى شىء فى السر والخفاء
-----------------------------------
Image
ما فكرناش قبل كدة ليه لما نيجى نخزن اى صورة من كاميرا ديجيتال على الكمبيوتر او حتى الصور اللى بتبقى مع الويندوز مثلا بيبقى اسمها
Image
ليه ما تكونش
Photo-Picture
لأن أصلة كلمة
Image
هو
Immortal Age
أى العمر الخالد -لأن اى صورة بتتحفظ على الكمبيوتر او على اى جهاز لو جيت بعد مليووون سنة هاتلاقى الصورة زى ماهى ما حصلهاش حاجة لكن لو اى صورة تانية محفوظة فى درج مثلا هاتيجى بعد فترة هاتلاقيها اصفرت ودبلت
----------------------------------------
Los Angeles
وطبعا دى عاصمة كالفورنيا وسميت بالاسم ده لان معناها (فقد أقل ملائكة) لان كالفورنيا تقع فى مكان عالى من الكرة الارضية ولو حصل زلزال قوى البيوت كلها هاتقع من الارتفاع العالى ده ومافيش حد هاينجو ساعتها فا هما معتقدين ان ربنا غضبان علي المكان ده وان مافيش ملائكة بتحرس المكان
---------------------------------------
Good
أصلها
Grow Wood
هى مجازاً عن نمو الشجر أى بمعنى إن الشجر يأخذ وقت للنمو -نفس الكلام فى كلمة
Good
مثال على ذلك - إذا سألك شخص عن حالك او صحتك فالرد هايكون
Good
أى انا بحال جيد ولكن أحتاج وقت لكى أكون أفضل
والرد الأفضل يكون
Fine
---------------------------------------
O.K
أصلها
Order of The King
يعنى موافق بدون جدال لانه أمر ملكى - بيفكرنى بنواب مجلس الشعب بتواع موااااااافقة
----------------------------
ده كان بعض الكلمات وأصلها
هاعرض دلوقتى كلمات لها نفس المعنى وهابين الإختلاف ما بينهم
كلمة مدير
Director
مدير يطبق القانون بدون وسيط
Manger
مدير متصرف
Chairman
مدير على كرسى غير دائم - أى بمعنى ان كرسى الإدارة ثابت ولكن دائماً ما يتغير المدير
President
Resident
بمعنى مقيم
إذاً معنى
President
مدير من داخل المنشأة وهى بمعنى رئيس الدولة أيضاً ونرى هنا أن أى رئيس دولة مقيم بداخلها وأصله منها وليس شخص من الخارج هو الذى يحكم ويدير الدولة
Senior
مدير قديم بالعمل
chief
هو مدير ولكنه على نفس درجة كفاءة من يديرهم
Boss
رئيس مباشر
Head
مدير مخطط
Adminstrator
مدير إدارة صغيرة
--------------------------------------------
كلمة صورة
Photo
صورة بدون خلفية
photograph
صورة شخصية بجزء أبيض من تحت لكتابة البيانات عليه
Picture
صورة بخلفية طبيعية - ولعلنا نجد هذه الكلمة قريبة من كلمة
nature
يعنى طبيعة
Shot
صورة سريعة
Graph
رسم بيانى
Chart
رسم بسيط أو رسم أطفال - وأصلها
Child Art
Painting
رسم بألوان المياه
Drawing
رسم بقلم عادى او قلم رصاص
Image
صورة مثل صور الكمبيوتر
Figure
تعنى صور مثل صور
3D
وأصلها
Fig
بمعنى تين
Nature
بمعنى طبيعة - ونرى هنا ان التين يأخذ شكل مجسم مثل الثرى دى
Diagram
صورة معقدة مثل الرسم الهندسى
------------------------------------------------
كلمة يبدأ
Start
يبدأ شىء كويس أو محبوب
Begin
يبدأ شىء مكروه بمعنى كره الشخص لهذا العمل الذى سيبدأه وليس الشىء نفسه المكروه
-------------------------------------------------
مترو الأنفاق
subway
مترو انفاق بالأمريكى
Underground
مترو أنفاق بالبريطانى
Metro
مترو أنفاق بالفرنسى ونجد أن مترو الأنفاق بالقاهرة من تصميم شركة فرنسية
-------------------------------------------------
must
يجب
ought to
ينبغى
have to
لازم
should
المفروض
----------------------------
هنا بعض الكلمات باللغة العربية وأصلها
فخور : أصلها - فخ الغرور
يشلح : أصلها - يشاهد اللحم
يجعر : أصلها - يجىء بالعار مثال على ذلك لما أى شخص يبتدى يزعق بصوت عالى تقول بص فلان بيجعر إزاى وده بيبقى شىء سىء
مقلى : أصلها - مستوى قليل
محمر : أصلها - بالمحنة مر - يعنى الزيت وصل فى كل حتة فيه زى البطاطس كدة مثلا
كمانجة : أصلها - كمٌ من الأنين
مسرور : أصلها - مُصِر الغرور
ماشى : أصلها - ما من شىء يعترض عليه
كدة بكون قدمت نبذة بسيطة عن أصل الكلمات وبصراحة هى دى كل المعلومات اللى عندى
******************************************
مصدر هذا الكلام
دكتور بالجامعة الأمريكية يُدَرٍِس اللغة الإنجليزية
posted by m_elsewedy @ 3:43 PM
36 comments
Thursday, June 01, 2006
أنا خلصت يا ناس ياهووووو
هيييييييييييييييييييييييييييييييييييييييييه أخيرررررررررررا خلصت أخر إمتحان لية كان أخر يوم لية فى امتحاناتى النهاردة قلت بقى يا واد يا سويدى تروح تطلع اللعب وتفضل تلعب لغاااااااايت ما تزهق وتطلع العجلة وتفضل تلف فى الشوارع وشوية والعب الجعران مع العيال وشوية أطير طيارات ونلعب مسوكة الملك ونلعب كووورة فى الميدان لغايت ما عم عبدالله صاحب القهوة اللى فى الميدان يجرى ورانا بعكازه وياخد مننا الكورة وشوية ونجيبها منه ونروح نلعب بعد القهوة بشوية يجرى ورانا عم أبو سمير البقال بعصاية المقشة وبرضو ياخد مننا الكووووووورة بس ده كان بيقطعها على طوووووووول ودايماً كنا نختم اليوم بتاعنا بلعبة مسوكة الملك وساعتها كنت بطلع انام فى بيتنا وما اتمسكش واكون انا الكسبان وابقى الملك هههههههه والله أيام زى العسسسسسل قول للزمان إرجع يا زمان.م
.................................
ده كان جزء صغير من احساسى بالأجازة أيام طفولتى المشردة بعد عناء سنة دراسية كاملة حشو مخ بكلام مالوش دعوة بأى حاجة فى الحياة
---------------------------------
دلوقتى بقى إحساسى انى خلصت امتحاناتى ويمكن تكون أخر إمتحانات لية إجبارية مملة ده لو نجحت صافى .. إحساس مختلف هو أحلى ما فيه إن مافيش حد هايقولى ذاااااكر وإحساس احلى انى مش هاشغل بالى تانى بحاجة انا بدرسها ومش بحبها ولا هاستخدمها فى حاجة ياااااااااا على الرااااحة أخيرا هابتدى افوق أخيرا هابتدى أشوف أنا عايز ايه وعايز أوصل لإيه
عقبال كل اللى لسة مخلصوش دراسة ياااااارب تخلصوا على خير
posted by m_elsewedy @ 1:58 AM
19 comments
Saturday, May 13, 2006
تاج عجبنى
افتح أقرب كتاب إليك، على الصّفحة 18، السّطر 4
قال الحافظ ابن حجر: ويشهد له ما رواه النسائى بإسناد صحيح من حديث معاوية بن قرة عم أبيه مرفوعاً - فى أثناء الحديث - : مايسرك ان لا تأتى باباً من ابواب الجنة ، إلا وجدته عنده يسعى يفتح لك. من كتاب صفة الجنة لإبن كثير
مطّ ذراعك اليسرى قدر ما تستطيع
هاخبط فى السرير
:D
ما آخر ما شاهدته على التّلفزيون؟
جزء من فيلم ل أنور وجدى وفاتن حمامة مش فاكر اسم الفيلم
بدون أن تسترق النّظر، تكهن كم السّاعة؟
1.15 AM
والآن كم السّاعة فعلاً؟
1.13 AM
باستثناء صوت الكومبيوتر، أيّ صوتٍ تسمع؟
صوت همس من التلفزيون والدتى بتتفرج وصوت همس برضو من عند الجيران هههههههههههه
متى خرجت من المنزل للمرّة الأخيرة؟ ماذا كنت تفعل؟
خرجت النهاردة الساعة 4 ورجعت الساعة 10 كان عندى درس تكاليف
طلبة أخر زمن بتوع الدروس دول والله
:D
قبل مباشرتك بهذه الأسئلة، أيّ موقعٍ كنت تتصفّح؟
بلوج غادة مع نفسى
بلوج غادة مع نفسى
ماذا ترتدي الآن؟
بنطلون زيتى وتيشرت أبيض
هل حلمت ليلة أمس؟
مش فاكر انا معظم احلامى بصحى مش فاكرها ومش فاكر اذا كنت حلمت ولا لا
متى آخر مرّة ضحكت؟
النهاردة فى الدرس واحنا بنشتغل المدرس اصل بنحضر فى قاعة عشان المراجعة وعدد الطلبة بيكون كتير فا بقعد ورا خالص أنا وشلتى وهاتك ياضحك واشتغالات فى المدرس
:D
ماذا فوق جدران الغرفة حيث تجلس؟
ساعة ومراية وشماعات
هل لاحظت شيئاً غريباً مؤخّراً؟
ان إشارة روكسى النهاردة ما كانتش زحمة اوى وفتحت بسرعة
ما رأيك في هذا الاختبار؟
لذيذ
ما آخر فيلم شاهدته؟
كينج كونج واحوليت منه بصراحة كل شوية وحش يطلعلهم ويجرى وراهم
إذا أصبحت فاحش الثّراء، فماذا تشتري؟
فيلا كبيرة فى مصر الجديدة وفيلا كبيرة برضو او شاليه عالبحر فى اسكندرية وشوية عربيات من اللى بشوفهم فى المسلسلات الكويتى دول بصراحة بحسدهم - عينى هاتطلع عليهمممممممم هههههههههههه
أخبرني شيئاً أجهله عنك
بصدق أى حاجة بسرعة
إذا كان بإمكانك تغيير شيء واحد في العالم، بغض النّظر عن المعاصي والسياسة، فماذا تختار؟
مترو الأنفاس اللى هو مترو الأنفاق يعنى بمصر بمترو أخر صالح للبنى أدمين
جورج بوش؟
بلوة من بلاوى الزمن
لو كان وليدك الأوّل فتاةً، فماذا تسمّيها؟
مش إذا اتنيلت اتجوزت هو فى حد بيتجوز فى الزمن ده ؟؟ بس بجد مش عارف اسميها
لو كان وليدك الأوّل صبيّاً، فماذا تسمّينه؟
برضو والله مش عارف ساعتها هانتصرف
:D
قد تفكّر يوماً في العيش بالخارج؟
طبعااااااااااااا افكر ونص وتلاتربع
ماذا تتصوّر أن يقول لك الله عندما تقف بين يديه؟
عمرك فى ماذا قضيته؟؟؟؟
أربعة أشخاص تمرّرلهم الدّور؟
كل اللى يعدى على المدونة ويعجبه التاج
وبالأخص
posted by m_elsewedy @ 12:56 AM
27 comments
Tuesday, May 09, 2006
مذااااااااكرة
قال يعنى انا بذاكر قوى ومقطع نفسى من المذاكرررة ده حتى الكتب بتشتكى منى ده إذا كان فى كتب أصلا أصل أنا بقضيها ملازم ودروس وكدة .. فشل بقى .. وواخد اجازة من الشغل عشان أدِح ... أنا بكتب البوست ده وأنا متضايق موووت هو بالظبط فى الوقت ده من كل سنة بحس بنفس الاحساس ، إحساس إن الإمتحانات قربت وأنا لسة ما ذاكرتش حاجة ... على العموم دى المفروض أخر سنة لية فى التعليم الإجبارى الممل ربنا يعدى الأيام دى على خير.
posted by m_elsewedy @ 3:27 PM
15 comments
Saturday, April 22, 2006
الإرهاب والكباب
بالأمس كنت أشاهد التلفزيون عنية وقعت على فيلم هو من وجهة نظرى فيلم رائع وجرىء طبعا عرفتوا اسمه من اسم البوست (الإرهاب والكباب) كنت أتفرج على الفيلم ده وانا صغير بس ما كنتش فاهمُه كان كل اللى يهمنى انى أسمع اغنية الكباااااااااااب الكبااااااااااااااب هايخلى عيشتكوا هباااااااااااااب هههههههههههههههه
لكن لما اتفرجت عليه امبارح لاقيت ليه طعم تانى خالص عشان فهمته وأد ايه هو بيصورلنا المواطن المصرى المطحون والمظلوم والمغلوب على أمره وأد ايه بيتعب عشان يقضى مصلتحه فى جهة حكومية
وبيصورلنا الموظف اللى على طول مش قاعد على مكتبه والموظف اللى طول النهار بيصلى وفاكر انه كدة بيرضى ربنا وهايدخل الجنة ما يعرفش ان لعمله حق ولقضاء مصالح الناس حق
وبيصورلنا ازاى المواطن العادى اللى رايح يقضى مصلحته أصبح ارهابى بالصدفة وذلك دليل على الكبت اللى بداخله وإن اللى بيوصل لمرحلة زى اللى وصل ليها بطل الفيلم ليس الا مطالباً لأبسط حقوقه وليس أذية الغير كل همه انه يكون عايش عيشة نضيفة والناس كمان تكون كل حاجة كويسة متوفرالهم
يا ترى فى مصر فى كام مواطن مظلوم ومغلوب على امره زى بطل الفيلم وكام موظف زى الأستاذ مدحت موظف المجمع طبعا كتيييييير وما تعدش ... ربنا يعدينا منها على خير
بس أحلى جملة عجبتنى فعلا فى الفيلم (إن فى أوروبا والدول المتقدمة بيعاملوا الناس على انهم بنى آدمين) ههههههههههه
تحية لهذا الفيلم الرائع وتحية لعادل امام المواطن المطحون فى الفيلم.م
posted by m_elsewedy @ 10:47 PM
14 comments
