| CARVIEW |
Inaapuhap natin sa mga bituin
ang kasagutan sa malaon nang bugtong
niyaring ating mga buhay,
hinggil sa pag-iral sa mundong ibabaw.
Tinalunton natin ang daan ng mga tala
habang sinundan kung saan lalapag
ang mga kometang dumaraan lamang–
mga estrangherong umibis sa lansangan
isang hapon ng tag-araw. 10
Minsan, may uri ng galit na nag-uuk-ok sa loob natin na napakahirap na pawiin at gamutin. Lumilikha ng malalim na sugat, parang asidong tumutunaw ng balat. Ito ang pinag-aaralan kong gamutin. Harinawang sa susunod na mga araw, makita ko ang sariling mas kalmado at silab sa tubig ay tuluyang mapawi rin ng ulan. Continue reading Silab sa tubig
Sa isang bansang malaganap ang pananampalatayang Kristiyano, laluna na ang Katolisismo, masasaksihan ang iba’t ibang uri ng debosyon o pamimintuho sa mga bagay at taong banal, sa paniniwalang kaya nilang itawid ang “mahihinang” dasal (dahil sa nagawang mga kasalanan at pagkukulang) sa pandinig ng Diyos.
Continue reading “Debosyon”
Paano nga ba lilingapin ang kinabukasan? Paano ba natin kakamtin ang isang maganda at masaganang hinaharap? Napakalalim at napakahalagang mga tanong na kinakailangan ng maingat at tiyak na mga sagot. Bawal ang sumablay dahil hindi lamang ang sarili ang nakataya kundi maging ang kapalaran ng buong daigdig at ng lahat ng nabubuhay rito.
Continue reading “Ebolusyon, Rebolusyon, o Debolusyon?(Kung Paano Nga Ba Titiyakin ang Isang Mapayapa, Maalwan, at Masayang Hinaharap)”
Humaharurot at pagkaminsan, sumuswerving pa, ang Hari ng Kalsada. Ang mausok na tambutso, ang rumerepekeng tugtog mula sa lumang stereo, ang makukulay na dibuho sa bubong, katawan, at headboard nito, at ang nakatutuwa at kadalasang bastos na stickers na nakadikit sa windshield, ang nagbigay sa kaniya ng kakaibang karakter. Katunayan, pinataob ng jeepney ang kalesa, na dating tinaguriang “national ride” ng arkipelagong may mahigit 7,000 … Continue reading Pahimakas sa “Hari ng Kalsada”?
Ilang buwan na rin akong walang trabaho matapos na puwersahang pagbitiwin sa tungkulin bilang editor ng isang online news outfit sa Makati. Isa raw akong malaking banta sa awtoridad ng punong patnugot kung kaya walang karapatang manatili bilang patnugot. Hindi rin daw ako marunong magsulat at sumunod sa pamantayan ng pagsusulat na itinakda ng punong patnugot na hindi naman nasusulat sa papel. Pero, sa awa ng Dios, nakakaraos pa rin.
Continue reading “Sa Awa ng Dios”
Para sa kaniya, siya ang daigdigkung kaya wala siyang pakialamsa kaniyang paligid.At tanging mahalaga’y siya–wala nang iba.Pakunwari ang kabaitan.Tinitipon sa palad ang nagawang kabutihan.Babanggitin ang naging ambag sa lipunanPagtulong sa kapuwa’y sa ngalan ng kayabangan.Kailangang may pruwebaAng gawá ng kanang kamaydapat alam nitong kaliwa.Isang malaking kabalintunaan!Hindi niya ibig sumikat subalitdokumentado, lahat ng pagpapasikat.Pagkatao ng bantay-tumana’yIsang napakalaking kotrandiksiyon–Hindi raw siya ang sentro ng kaniyang mundoSubalit astang … Continue reading Bantay-tumana*
Matagal na palang wala akong naisusulat sa blog na ito. Ito ang kauna-unahan kong blog, at pinakamatagal na naglaman ng ilan sa mga “basurang” isinulat ko. Ang ilan sa kanila, nailathala pa nga yata sa libro. Pero, magbabalik pa ba ako rito? Malay natin. Baka ang maikling sulating ito ang magbubunsod ng pagpapatuloy sa pagsigla ng diwang nailathala rito. Continue reading Pagbabalik?
Kahit malamig ang gabi,
at ang ginaw ay sumisigid sa aking mga buto
Nalalaman kong Ikaw ay sasaakin.
Ang pagibig at awa Mo ay apoy na magpapasiklab
Muli, sa aking kaluluwa. Continue reading Kung madilim man at mahaba ang gabi
Ang aklat na naisulat natin ay pinamagatan nating Nouveau, na ibig sabihi’y bago. Karamihan sa kanila ay nagsisimula pa lamang na lumikha ng pangalan sa larangan ng sining biswal. Gayon pa man, masasabi nating may karapatan silang mailibro. Napupuna natin na maraming mga manunulat at naglalathala ng mga aklat hinggil sa mga alagad ng sining ang iniiwasang magsama ng “bago” sa kanilang mga libro dahil na rin sa sinasabi ng ibang “datihan” na. Napakasakit para sa akin ang marinig ang gayong mga salita sapagkat lahat naman ay nagsimula sa ibaba, nagsimula sa simula, bago maabot ang sinasabing rurok ng tagumpay at naghahakot na ng milyun-milyon mula sa kanilang mga obra. Continue reading Mga Bagong Sibol, Mga Bagong Pag-asa ng Sining Pilipino
Sigliwa