Ang Aliping Binabahay Oo, ako na!

hindi ako mahilig sa pagkain. dahil dito, hindi ako basta-basta natutuwa kapag kumakain kami sa labas. pero noong biyernes, nag-lunch out kami dahil last day na sa work ng kaibigan naming si Tiny.

tinanong ko sila kung may plano ba sila kung saan kakain. sabi ng manager namin sa yakimix daw.  hindi ko pa narinig ang kainan na iyon. nagmagandang loob naman ang isa kong kaibigan na i-explain sa akin ang konsepto ng yakimix. pinaghalo-halong chinese, korean at japanese food daw ang inihahain doon, kaya daw may ‘mix’ sa yakimix. kung magkagayon ay para saan pala ang ‘yaki’ na part?

akala ko marami na akong kinuha -- naka-4 plates ang mga kasama ko. ito na ang eat-all-you-can ko

dahil lunch time ay nag-eat-all-you-can kami. noong una, sabi ko lugi ako dahil hindi ako mahilig kumain at lalong hindi rin ako malakas kumain. pero nung nandoon na kami, nalula ako sa mga pagkain. parang piyesta sa hapagkainan! natuwa ang alipin dahil hindi pa siya nakakita ng ganun sa malayong kabukirang pinanggalingan niya.

medyo napaghalataan nga lang dahil pinaghalo-halo ko ang hilaw at lutong pagkain sa iisang pinggan. ang tagal kong pinag-isipan kung hilaw ba yung ibang pagkaing nasa buffet table. pero naisip ko, bakit naman sila maghahain ng hilaw? kaya naman kumuha ako at inihalo sa iba pang pagkain sa pinggan ko.  pagbalik ko sa table doon ko na lang napatunayang hilaw nga sila dahil meron palang smokeless grill sa gitna ng mesa. haha

hindi nga sumakit ang tiiyan ko, ang hapdi naman ng bulsa ko pagkatpos. OTL

dalawang araw na lang, aalis na ang best friend kong si tiny sa kumpanya namin. mga dalawang linggo na rin ang nakakalipas nang ang isa ko pang bestfriend sa opisina nag-last day din kumpanya. sa totoo lang, nalulungkot ako. pakiramdam ko ay maiiwan akong mag-isa.

para palalain pa ang sitwasyon, marami rin sa mga kakilala ko sa kumpanya namin ay nagsipasa na rin ng kani-kanilang resignation. ano ba ang nangyayari? panahon ba ngayon ng resignation?

sa ngayon, hindi ko na lang muna iniisip na aalis na ang bestfriend ko. gusto ko siyang lokohin na wag siya dapat iiyak sa biyernes, pero hindi ko kaya. sa tingin ko alam ko mas mauuna pa akong maiyak sa kanya.