WooCommerce

Description

WooCommerce ແມ່ນແພລັດຟອມອີຄອມເມີຊແບບໂອເພັນຊອດສຳລັບ WordPress.

ແພລັດຟອມຫຼັກຂອງພວກເຮົາແມ່ນຟຣີ, ຢືດຢຸ່ນ ແລະ ໄດ້ຮັບການສະໜັບສະໜູນຈາກຊຸມຊົນທົ່ວໂລກ. ອິດສະຫຼະພາບຂອງລະບົບໂອເພັນຊອດ ໝາຍຄວາມວ່າທ່ານເປັນເຈົ້າຂອງເນື້ອຫາ ແລະ ຂໍ້ມູນໃນຮ້ານຄ້າຂອງທ່ານຢ່າງເຕັມສ່ວນຕະຫຼອດໄປ.

ບໍ່ວ່າທ່ານຈະເລີ່ມຕົ້ນທຸລະກິດໃໝ່, ຍ້າຍຮ້ານຄ້າແບບດັ້ງເດີມມາສູ່ໂລກອອນລາຍ, ຫຼື ພັດທະນາເວັບໄຊໃຫ້ລູກຄ້າ, ໃຫ້ໃຊ້ WooCommerce ເພື່ອສ້າງຮ້ານຄ້າທີ່ປະສົມປະສານເນື້ອຫາ ແລະ ການຄ້າໄດ້ຢ່າງມີປະສິດທິພາບ.

• ສ້າງໜ້າຮ້ານທີ່ສວຍງາມ ແລະ ດຶງດູດ ດ້ວຍ ທີມ ທີ່ເໝາະສົມກັບແບຣນ ແລະ ອຸດສາຫະກຳຂອງທ່ານ.
• ເພີ່ມລາຍໄດ້ ດ້ວຍ ປະສົບການກະຕ່າສິນຄ້າ ທີ່ມີປະສິດທິພາບເພື່ອເພີ່ມຍອດຂາຍ.
• ປັບແຕ່ງໜ້າສິນຄ້າໄດ້ໃນບໍ່ກີ່ນາທີ ໂດຍໃຊ້ ບລັອກສິນຄ້າ ແບບໂມດູລາ.
• ສະແດງສິນຄ້າທັງແບບຈັບຕ້ອງໄດ້ ແລະ ແບບດິຈິຕອນ, ຕົວເລືອກສິນຄ້າ, ການຕັ້ງຄ່າແບບກຳນົດເອງ, ການດາວໂຫລດທັນທີ ແລະ ລາຍການສິນຄ້າພັນທະມິດ (affiliate).
• ຂາຍ ການສະໝັກສະມາຊິກ, ການຈອງ, ຫຼື ລະບົບສະມາຊິກ, ດ້ວຍສ່ວນເສີມທີ່ຜ່ານການກວດສອບໂດຍຜູ້ພັດທະນາຂອງພວກເຮົາ.
• ຂຶ້ນສູ່ອັນດັບຕົ້ນໆຂອງຜົນການຄົ້ນຫາ ໂດຍການໃຊ້ ຂໍ້ໄດ້ປຽບດ້ານ SEO ຂອງ WordPress.
• ສ້າງບົນແພລັດຟອມທີ່ຂະຫຍາຍຕົວໄດ້. ໃຊ້ລະບົບອີຄອມເມີຊທີ່ມີຄວາມຢືດຢຸ່ນສຳລັບ ຮ້ານຄ້າທີ່ມີການຊື້ຂາຍຈຳນວນມະຫາສານ.

ເຄື່ອງມືທັງໝົດທີ່ທ່ານຕ້ອງການເພື່ອການຂາຍ

ເຄື່ອງມືໃນຕົວ ແລະ ການເຊື່ອມຕໍ່ທີ່ເປັນທີ່ນິຍົມ ຈະຊ່ວຍໃຫ້ທ່ານຈັດການການດຳເນີນທຸລະກິດໄດ້ຢ່າງມີປະສິດທິພາບ. ຫຼາຍບໍລິການສາມາດເພີ່ມໄດ້ຟຣີດ້ວຍການຄລິກພຽງຄັ້ງດຽວຜ່ານ Setup Wizard ທີ່ເປັນທາງເລືອກ.

• ເລືອກວິທີທີ່ທ່ານຕ້ອງການຮັບເງິນ. ຈັດການການຊຳລະເງິນໄດ້ຢ່າງສະດວກສະບາຍຈາກຮ້ານຄ້າຂອງທ່ານດ້ວຍ WooPayments (ມີໃຫ້ບໍລິການໃນສະຫະລັດ, ອັງກິດ, ອຽກລັງ, ອົດສະຕຣາລີ, ນິວຊີແລນ, ການາດາ, ແອັດສະປາຍ, ຝຣັ່ງ, ເຢຍລະມັນ ແລະ ອິຕາລີ). ຮັບບັດເຄຣດິດ, ກະເປົາເງິນມືຖື, ການໂອນເງິນຜ່ານທະນາຄານ ແລະ ເງິນສົດໄດ້ຢ່າງປອດໄພ ຍ້ອນ ຊ່ອງທາງການຊຳລະເງິນຫຼາຍກວ່າ 100 ແຫ່ງ – ລວມທັງ Stripe, PayPal, ແລະ Square.
• ຕັ້ງຄ່າຕົວເລືອກການຈັດສົ່ງຂອງທ່ານ. ພິມໃບປະໜ້າ USPS ໄດ້ໂດຍກົງຈາກແຜງຄວບຄຸມຂອງທ່ານ ແລະ ແມ່ນແຕ່ກຳນົດເວລາມາຮັບເຄື່ອງດ້ວຍ WooCommerce Shipping (ສະເພາະໃນສະຫະລັດ). ເຊື່ອມຕໍ່ກັບ ບໍລິສັດຂົນສົ່ງທີ່ມີຊື່ສຽງ ເຊັ່ນ UPS ແລະ FedEx – ພ້ອມທັງບໍລິການຈັດສົ່ງ, ສາງສິນຄ້າ ແລະ ການຈັດການຄຳສັ່ງຊື້ທີ່ຫຼາກຫຼາຍສຳລັບທ້ອງຖິ່ນຂອງທ່ານ.
• ເຮັດໃຫ້ພາສີການຂາຍເປັນເລື່ອງງ່າຍ. ເພີ່ມ WooCommerce Tax ຫຼື ບໍລິການເຊື່ອມຕໍ່ທີ່ຄ້າຍຄືກັນ ເພື່ອເຮັດໃຫ້ການຄິດໄລ່ແບບອັດຕະໂນມັດເປັນຈິງ.

ຂະຫຍາຍທຸລະກິດຂອງທ່ານ, ເພີ່ມຟີເຈີ ແລະ ຕິດຕາມຮ້ານຄ້າຂອງທ່ານໄດ້ທຸກບ່ອນ

WooCommerce ຄືການເຮັດທຸລະກິດ. ຕິດຕາມຕົວຊີ້ວັດການເຮັດວຽກທີ່ສຳຄັນທີ່ສຸດສຳລັບທ່ານ ດ້ວຍແຜງຄວບຄຸມກາງທີ່ຊົງພະລັງ ແລະ ຢືດຢຸ່ນ ເຊິ່ງຖືກຕິດຕາມາໃນ WooCommerce.

ຂະຫຍາຍກຸ່ມລູກຄ້າຂອງທ່ານຜ່ານຊ່ອງທາງການຕະຫຼາດ ແລະ ໂຊຊຽວມີເດຍ ດ້ວຍການເຊື່ອມຕໍ່ Google Ads, HubSpot, Mailchimp, ແລະ Facebook. ທ່ານສາມາດກວດສອບ Marketing Hub ໃນແຜງຄວບຄຸມໄດ້ສະເໝີສຳລັບໄອເດຍ ແລະ ເຄັດລັບໃໝ່ໆເພື່ອຊ່ວຍໃຫ້ທ່ານປະສົບຜົນສຳເລັດ.

ເພີ່ມປະສິດທິພາບໃຫ້ຮ້ານຄ້າດ້ວຍສ່ວນເສີມທັງແບບຟຣີ ແລະ ແບບເສຍເງິນຫຼາຍຮ້ອຍລາຍການຈາກ WooCommerce Marketplace. ຜູ້ພັດທະນາຂອງພວກເຮົາ ກວດສອບແຕ່ລະສ່ວນເສີມໃໝ່ ແລະ ກວດສອບສ່ວນເສີມທີ່ມີຢູ່ແລ້ວເປັນປະຈຳເພື່ອຮັກສາບາດຖານຄຸນນະພາບຂອງ Marketplace. ພວກເຮົາກຳລັງ ຊອກຫາຜະລິດຕະພັນທີ່ຊ່ວຍໃຫ້ຜູ້ສ້າງຮ້ານຄ້າສາມາດສ້າງຮ້ານຄ້າທີ່ປະສົບຜົນສຳເລັດໄດ້ ຢ່າງຕັ້ງໜ້າ.

ຈັດການຮ້ານຄ້າຂອງທ່ານໄດ້ຈາກທຸກບ່ອນດ້ວຍ ແອັບມືຖື WooCommerce ຟຣີ (Android ແລະ iOS). ຄຳເຕືອນ: ກຽມຟັງສຽງແຈ້ງເຕືອນ “cha-ching” ທີ່ເປັນເອກະລັກທຸກຄັ້ງທີ່ທ່ານຂາຍສິນຄ້າໄດ້!

ເປັນເຈົ້າຂອງ ແລະ ຄວບຄຸມຂໍ້ມູນຮ້ານຄ້າຂອງທ່ານ – ຕະຫຼອດໄປ

ດ້ວຍ WooCommerce, ຂໍ້ມູນຂອງທ່ານແມ່ນເປັນຂອງທ່ານ. ຕະຫຼອດໄປ.

ຫາກທ່ານເລືອກທີ່ຈະແບ່ງປັນ ຂໍ້ມູນການໃຊ້ງານ ກັບພວກເຮົາ, ທ່ານສາມາດໝັ້ນໃຈໄດ້ວ່າຂໍ້ມູນນັ້ນຈະຖືກປິດບັງຕົວຕົນ ແລະ ຖືກເກັບຮັກສາໄວ້ຢ່າງປອດໄພ. ທ່ານສາມາດເລືອກຍົກເລີກໄດ້ທຸກເວລາໂດຍບໍ່ສົ່ງຜົນກະທົບຕໍ່ຮ້ານຄ້າຂອງທ່ານ.

ບໍ່ຄືກັບບໍລິການອີຄອມເມີຊແບບສຳເລັດຮູບອື່ນໆ, ຂໍ້ມູນຮ້ານຄ້າ WooCommerce ຈະຢູ່ກັບທ່ານຕະຫຼອດໄປ; ທ່ານສາມາດສົ່ງອອກເນື້ອຫາທັງໝົດ ແລະ ຍ້າຍເວັບໄຊຂອງທ່ານໄປຍັງແພລັດຟອມໃດກໍໄດ້ທີ່ທ່ານຕ້ອງການ. ບໍ່ມີຂໍ້ຈຳກັດ.

ເຫດຜົນທີ່ຜູ້ພັດທະນາເລືອກ (ແລະ ຮັກ) WooCommerce

ຜູ້ພັດທະນາສາມາດໃຊ້ WooCommerce ເພື່ອສ້າງ, ປັບແຕ່ງ ແລະ ຂະຫຍາຍຮ້ານຄ້າໃຫ້ກົງຕາມຄວາມຕ້ອງການຂອງລູກຄ້າ, ໂດຍການເພີ່ມປະສິດທິພາບຜ່ານສ່ວນເສີມ ຫຼື ວິທີການແກ້ໄຂທີ່ກຳນົດເອງ.

• ໃຊ້ປະໂຫຍກຈາກ hooks ແລະ filters ເພື່ອແກ້ໄຂ ຫຼື ສ້າງຟີເຈີໃໝ່ໆ.
• ເຊື່ອມຕໍ່ໄດ້ກັບເກືອບທຸກບໍລິການໂດຍໃຊ້ REST API ແລະ webhooks ທີ່ແຂງແກ່ນ.
• ອອກແບບ ແລະ ສ້າງບລັອກເນື້ອຫາແບບກຳນົດເອງດ້ວຍ React.
• ກວດສອບ ແລະ ແກ້ໄຂ ທຸກໆດ້ານຂອງລະຫັດປລັກອິນຫຼັກ.
• ເລັ່ງການພັດທະນາໃຫ້ໄວຂຶ້ນດ້ວຍ CLI ທີ່ວ່ອງໄວທີ່ສຸດ.

ແພລັດຟອມຫຼັກໄດ້ຮັບການທົດສອບຢ່າງເຂັ້ມງວດ ແລະ ເລື້ອຍໆ, ໂດຍໄດ້ຮັບການສະໜັບສະໜູນຈາກທີມພັດທະນາທີ່ເຮັດວຽກໃນທຸກເຂດເວລາ. ເອກະສານແນະນຳທີ່ຄົບຖ້ວນຈະຖືກອັບເດດໃນທຸກໆເວີຊັນ, ເພື່ອຊ່ວຍໃຫ້ທ່ານສ້າງຮ້ານຄ້າໄດ້ຕາມທີ່ຕ້ອງການ.

ເປັນສ່ວນໜຶ່ງຂອງຊຸມຊົນສາກົນທີ່ກຳລັງເຕີບໃຫຍ່ຂອງພວກເຮົາ

WooCommerce ມີຊຸມຊົນຂະໜາດໃຫຍ່ທີ່ມີຄວາມກະຕືລືລົ້ນໃນການຊ່ວຍໃຫ້ຜູ້ຂາຍປະສົບຜົນສຳເລັດ – ແລະ ມັນກຳລັງເຕີບໃຫຍ່ຢ່າງໄວວາ.

ມີ WooCommerce Meetups ໃນຫຼາຍບ່ອນທົ່ວໂລກທີ່ທ່ານສາມາດເຂົ້າຮ່ວມໄດ້ຟຣີ ແລະ ແມ່ນແຕ່ມີສ່ວນຮ່ວມໃນການຈັດງານ. ກິດຈະກຳເຫຼົ່ານີ້ເປັນວິທີທີ່ດີໃນການຮຽນຮູ້ຈາກຜູ້ອື່ນ, ແບ່ງປັນປະສົບການຂອງທ່ານ ແລະ ເຊື່ອມຕໍ່ກັບຄົນທີ່ມີຄວາມສົນໃຈຄືກັນ.

WooCommerce ຍັງມີສ່ວນຮ່ວມໃນງານ WordCamps ທົ່ວໂລກຢ່າງສະໝໍ່າສະເໝີ – ພວກເຮົາຢາກພົບທ່ານ.

ມີສ່ວນຮ່ວມ ແລະ ແປພາສາ

WooCommerce ຖືກພັດທະນາ ແລະ ຮອງຮັບໂດຍ Automattic, ຜູ້ສ້າງ WordPress.com ແລະ Jetpack. ພວກເຮົາຍັງມີຜູ້ຮ່ວມພັດທະນາອິດສະຫຼະອີກຫຼາຍຮ້ອຍຄົນ, ແລະ ຍັງມີພື້ນທີ່ສຳລັບຜູ້ຮ່ວມພັດທະນາໃໝ່ສະເໝີ. ໄປທີ່ ຄັງເກັບຂໍ້ມູນ WooCommerce GitHub ເພື່ອເບິ່ງວິທີທີ່ທ່ານສາມາດມີສ່ວນຮ່ວມໄດ້.

WooCommerce ຖືກແປເປັນຫຼາຍພາສາ, ລວມທັງພາສາດານມາກ, ຢູເຄຣນ ແລະ ເປີເຊຍ. ຊ່ວຍປັບໃຫ້ WooCommerce ເປັນພາສາທ້ອງຖິ່ນຫຼາຍຂຶ້ນໂດຍການເພີ່ມພາສາຂອງທ່ານ – ເຂົ້າເບິ່ງໄດ້ທີ່ translate.wordpress.org.

ການເຊື່ອມຕໍ່ກັບ WooCommerce.com

ທ່ານສາມາດເຊື່ອມຕໍ່ຮ້ານຄ້າຂອງທ່ານກັບ WooCommerce.com ເພື່ອຈັດການການສະໝັກໃຊ້ໃນ WooCommerce Marketplace ແລະ ຮັບການອັບເດດຜະລິດຕະພັນໂດຍບໍ່ຕ້ອງອອກຈາກໜ້າຈັດການ WordPress. ການເຊື່ອມຕໍ່ຍັງຊ່ວຍໃຫ້ສາມາດຕິດຕັ້ງຜະລິດຕະພັນທີ່ຊື້ມາໄດ້ໂດຍກົງຈາກ WooCommerce.com ແລະ ເຂົ້າເຖິງການຊ່ວຍເຫຼືອດ້ານເຕັກນິກໄດ້ສະດວກ. ຫາກທ່ານຕ້ອງການຮຽນຮູ້ກ່ຽວກັບຂໍ້ມູນໃດທີ່ຖືກເກັບກຳ ແລະ ນຳໃຊ້ແນວໃດ, ກະລຸນາເບິ່ງທີ່ ນະໂຍບາຍຄວາມເປັນສ່ວນຕົວ ຂອງພວກເຮົາ.